عزت مند او
قدرمنده ډاکټر اسرار
صېب تل روغ او جوړ اوسے
سلامونه
دوه مياشتنۍ
پاڅون د جنورۍ او فرورۍ
2011ء مې مخې ته پرته ده ډېر
ښۀ ليکونه پکښې خوندې
کړې شوې دى ستاسو خوارى
د مجلې د معيار نه معلوميږى
،د خپلې صوبې خېبر پښتونخوا
د ادبى مجلو ذکر به وکړم
، کۀ پښتنو ته ئې مفته هم
ورکړئ وئيلو ته ئې بيا
هم تيار نۀ دى تا به ورباندې
د زړۀ وينې وچې کړې وى دا
خو ستاسو غوندې مشرانو
حوصله ده چې د پښتو مجلې
ته مو ملا تړلې ده الله
پاک دې اجر درکړى..... آمين
ګرانه مشره! د منتظر بيټنى
صېب خط تاسو شائع کړے دے
او د هغۀ عکس (تصوير) هم چاپ
کړے شو ے دے چې د ليدو سره
ئې زۀ سم د خپلې کالج زمانې
ته يوړم. او په هغه وخت نه
د ستاسو د نامې سره متعارف
شو ے وم ما هغه وخت د کالج
اولنے دا دا د کال 1984ء خبره
ده په ( پاکستان نېشنل سنټر
) چې په کيړى عليزۍ کښې ئې
دفتر وۀ پشتو ادبى ټولنه
ډېره اسماعيل خان جوړه
کړې وه او مونږ به هلته
مشاعرې کولې يوه ورځ منتظر
بيڼى صېب راته ووئيل چې
شميم صېب په کال 1972 ء کښې
ډاکټر اسرار صېب او مونږه
د ( سلېمان پښتو ادبى ټولنه
) په نوم تنظيم جوړ کړے وۀ
کۀ دې خوښه وى نو دې ټولنې
ته به هغه زوړ نوم غوره
کړو نو بيا به اتفاق سره
په يوه غونډه کښې په ( نعمت
کده هوټل )بازار توپانواله
کښې هغه نوم ورکړے شو او
بيا دې ټولنې ډېرې درنې
مشاعرې وکړې تفصيل مقسد
مې دا دے چې ستا سو د نوم
سره منتظر بېټنى صېب متعارف
کړے وم هغه د منتظر بېټنى
تاسو سره مينه وه او دې
مجلې کښې د هغوى ليک او
عکس چاپ کول ستاسو د هغۀ
سره د مينې اظهار دے_ ډېره
اسماعيل خان کښې خو تاسو
خپله نوکرى کړې ده او درته
معلومه ده چې څۀ ثقافت،
ادب لرى او بيا پښتو ادب
خو د زړۀ وينې اوبه کول
دى د نن پښتو شاعران خو
به د پېنډې په تال يو ځائې
کوې ګنى ادب دپاره ورسره
وخت نشته منتظر بېټنى
ته دې خدائے واړه جنتونه
ورکړى چې کوم ځائے به کښېناستو
نو هلته به بيا په ګېنټو
په ادب بحث کېدو او مشاعره
به جوړه شوه
.
ګرانه مشره
! دمنتظر بېټنى صېب نورې
خبرې به هم کؤو هغوى په
فن او شخصيت به هم د پاڅون
دپاره درلېږم کۀ د خدائے
خوښه وه زما په نوم د کال
دپاره پاڅون جارى کړئ
د کال چنده درلېږمه قلمى
تعاون به هم انشاء الله
کوؤ
والسلام
ثناء الله
شميم ګنډه پور
ډپټى اېډوکېټ
جنرل هائى کورټ ډېره اسماعيل
خان
_______________________________
ګرانه مشره
ښاغلى ډاکټر اسرار صېب
ډېر ډېر سلامونه
هيله
لرم چې صحت به مو روغ جوړ
وې
عر ض دا دے چې ستاسو
د مارچ اپرېل ګڼه پاڅون
راته ملګرى نيازبين يوسفزى
راکړه ومې لوسته ډېره
مې خوښه شوه ولې چې ټول
مضمونونه تاريخى مضمونونه
دى، تکلونه او افسانې
هم ښۀ د معيار ليکونه د
نظمونو حصه هم ښه ده ملګرى
نيازبين يوسفزى ته مې
ستاسو د پاڅون دپاره
د خپل ممبر شپ روپۍ ورکړې
اُميد لرم چې تر لاسه شوې
به وى انشاء الله وخت په
وخت به يو بل سره رابطه
ساتو مونږه هم د صوابۍ
نه د يوې درې مياشتنۍ مهابڼ
په نوم د ويستلو تابيا
کړې ده اُميد لرم چې د خپل
قلم په ذريعه به را سره
د خپل ليک ملګرتيا کوئ
او زما د ممبر شپ پېسې چې
در شى نو مهربانى وکړئ
ما خبر کړئ
ډېره ډېره
مننه
محمد سعيد عادل
_________________________________
ګرانه وروره
ډاکټر
اسرار صېب ډېر ډېر سلامونه
ستاسو مجله پاڅون مې
تر نظره تېره شوه والله
چې ډېر خوند ئې راکړو د
وخت د تقاضو مطابق ليک
او د ادبى ذوق نمائنده
دا مجله- رساله- د ستاسو
د ادب او د پښتو سره د مينې
لوے ثبوت دے
زما نوم
راحيل بخارى د ے زۀ د پښتو
ډېر خوږ او د مشهور شاعر
افګار بخارى ورارۀ يم
دخپلې علاقې لکى مروت
کښې د ادبى ټولنې بزم علم
و ادب سدر يم ورسره ورسره
د سرائے نورنګ ادبى جرګې
پښتو ادبى پيوستون کشر
سيکتر هم يم او ورسره مې
د زړه له تله مينه ده
زمونږ
په علاقه کښې د پښتو شاعران
خو شته خو د نثر ليکونکى
ډېر کم دى او چې کوم کسان
نثر ليکى نو هغوى دپاره
اوريدونکى او لوستونکى
نشته او د خورونکو کمے
دے
زۀ پخپله يو شاعر او
نثر نګار يم د خپلې علاقې
شاعرانو تنقيدې جاج اخلم
او ورسره افسانې هم ليکم_
د پاڅون ټولو ملګرو ته
سلامونه
راځه چې پيوستون
وکړو دمينې په قانون راځئ
چې سره ومنو يو دين د محبت
په ډېرې مينې
سيد راحيل
بخارى
محله سيدان لکى
مروت
پښين 27 جنورى 2011ء
ګرانه عزتمنده ډاکټر
اسرار صاحبه
السلام
عليکم
د جنورۍ _فرورۍ
2011ء پاڅون راورسېده،تر
دې دغه زما خيال شپږ مياشتې
وړاندې يوه ګڼه راغلې
وه_ زما خيال وۀ چې ګوندې
پاڅون بند دے يا ئې ډاکټر
صاحب ما ته نۀ راليږى_ شک
مې دې چې يو نظم د 29 مئ ياد
مې درلېږلې وۀ خو چاپ
شوے نۀ دے_ لومړى خو د پاڅون
د مرستيال چلونکى محمد
اقبال صاحب د بخښانې دعا
کوم، خداے پاک دې ګور روښانه
کړى_ بل مې د پخوانيو شاعرانو
مشاعره ډېره خوښه شوه
خو همېش صاحب د پښين د نامتو
شاعر عبدالعلى اخونزاده
دغه رنګه غزل نۀ دے ورکړے
حال دا چې د نوموړى شاعر
مجموعه کلام شاخ ګل د
همېش صاحب په لائبريرۍ
کښې شته ولې چې د پښتانۀ
ليکوال لومړے نوم هم
د مرحوم اخونزاده صاحب
دے ...مړ 1944ء
دوئيم
دا چې په سر ورق چې
هنا_ بولان پښتونخوا ليکلى
دى دا زمونږ هغه جهيل دے چې (بولان) بيله سيمه
او د بلوچو ده نۀ چې سوهيلى
پښتونخوا
پردې مخ د
اخونزاده مرحوم د (هسې)
رديف هغه غزل ليکم چې
کۀ دې خوښه وى په پاڅون
کښې ورکړئ
ملګرو ته
سلامونه
مخلص پروفېسر صاحبزاده
حميد الله......پښين
ډېر ګران او محترم
ډاکټر اسرار صېب نګران
پاڅون
د مينې او
خلوص ښکلې پېرزونې
د پاڅون دوه درې
ګڼې راته راورسېدې
خوشحاله شوم چې
په دې وخت کښې
داسې خلق شته چې
د پښتو ادب د پرمختيا
دپاره هڅې کوى
او دا خبره ډېره
د وياړ سره کوم چې
مردان هم په
ادبى دنيا کښې
د چا نه وروستو نۀ
دے_ پاڅون مې ولو
سته ډېره مې خوښه
شوه يقيناً چې ښکلې
او معيارى ګڼه
ده او په علمى
توګه برابر ده د
پښتو ژبې او ادب
په مېدان کښې
يوه زړۀ پورې
اضافه دهپښتو
ژبه به ستاسو غوندې
خلقو باندې وياړ
کوي په اخر کښې
يو ځل بيا د پاڅون
ادبي ملګرو د زيار مننه
کوم چې په دومره
مېنې سره د ادب خدمت
کوي او هيله
لرم چې دا ګڼه
به هم داسې دوام
داره وي
د ادب طالب
علم
سيدظفر الله
صدر تاتره پښتو ادبى
ټولنه پېښور پوهنتون
March-April 2011
د پاڅون په نوم
هر چې
ستا عېب و تا وته ښکاره
کړه په جهان کښې
هم هغه ګڼه ياران
( د منتظر بېټني يو خط د
ډاکټر اسرار په نوم_د بېټني
صاحب ددوئيمې کليزې
په مناسبت)
ټانک جمعه
٨ اګست ١٩٩٥ء
محترم
ډاکټر اسرار وروره! السلام عليکم
ډېرې شپې ورځې
کېږي چې سره
ليدلي مو نۀ دي
او نۀ مو د
څۀ ليک په واسطه
يو بل سره تماس
نيولے دے. پېښور
ته درتلل مې زړۀ
له وخته راسې
غواړي خو يو
خوا ډېره سپېره ګرمي
ده او بل خوا
څۀ داسې پلمه
(بهانه) نۀ جوړېږي
چې در منډه کړم
څو ورځې اګاهو
سليم نوشاد سابقه
سليم ناشاد زېرے
راباندې کړے دے
چې تاسو يوه
پوړۍ پورته شوي
او اوس ډپټي
ډائريکټر (ايډمن) ئې،
خوشحال شوے يم _ الله
پاک مو پکښې بريالے
ولره_ تاسو اکثر
ما ته وايئ چې کله
کله اخبار ، رساله
کښې حاضري لګوه
دا زۀ خپل هم
خواهش لرم خو
د شعر په ذريعه
حاضري لګول لږ
څۀ ګرانه خبره
ښکاري ځکه چې
روز روز به څوک
دغه کار ته ور
پوره شي _بيا دا
زما ستا په شان
کسانو دپاره خو
دا هم غنيمت دے
چې کال شپږ و
مياشتو کښې يو نيم
غزل مزل وليکو_
البته نثر دپاره
مواد ډېر شته خو
ما دپاره هغه
لويه لانجه رامخته
کوي _ په ما هغه د
ګامڼ سچار ټوقه
شوېده تۀ به
وائې دا لا څنګه..؟
نو خبره داسې کېږي
چې ګامڼ سچار
نومې يو سړے
وۀ د هغۀ دا عادت
وۀ چې څۀ به
ئې واورېدل نو د
خبرې تل ته د
رسېدو کوشش به ئې
کولو او بيا به ئې
وروستو په ډک
محفل کښې ګويا
اعلان وکړو_ چې هغه
فلانۍ خبره څومره
رښتيا ده_ ښه نو
يوه ورځ محفل
کښې چا دا خبره
وکړه چې عجيبه
خبره ده .. د خرې لکۍ
کۀ له پورته نه
کچ کوې نو يوه
لوېشت ده او
کۀ ښکته نه
ئې پورته کچ کوې
هم نو يوه لوېشت
جوړيږي_ د محفل خبره
وه لاړه راغله
خو ګامڼ سچار
زړۀ ته واچوله
چې تحقيق ئې پکار
دے خېر يوه ورځ
ئې چېرې يوه
خره بېديا کښې
بيا مونده . زړۀ کښې
ئې راغلۀ چې
ښه موقع ده د
هغې خبرې ريشتني
پکار ده_ ورغلے
خره ئې را ونيوله
بيا وروستو ورته
په دوو پښو کښېناستلو
اول خو ئې له
پاسه نه يو لوېشت
پرې کېښود نو
خرې لکۍ وخوځوله
او پښه ئې جګه
کړه څنګه چې
جوړ لوېشت د
هغې په نور وجود
ولګېده نو ناغېړے
ئې وکړو بيا
ګامڼ له لاندې نه
لوېشست ورته سمه
کړه لکۍ ئې
پورته کچله _ دا وار
خرې ته جوړه
څۀ خطره محسوس شوه
چې دا سړے خو
څۀ ښه نۀ کوي
نو لګته ئې راخلاصه
کړه او ګامڼ
ئې په خُله ووهلو_
خره خو هغه وه
چې لاړه خو د
ګامڼ خُله ډډه (وپړسېدله)
شوه. وروستو به ئې
وئيل چې ګامڼه! ستا
له دې سره څۀ
وو چې د خرې لکۍ
له پورته نه
ښکته او ښکته
نه پورته څومره
ده_ چې څۀ ده خپله
ئې وه بيا به
ئې وئيل چې هغه
خبره غلطه ده
پوره يوه لويشت
او لګته ترې
د پاسه ده_ کۀ
باور مو وشي په
ما هم هغه د
ګامڼ سچار ټوقه
شوېده څو شپې ورځې
وروسته (اول) مې
(منتخبات خوشحال) (اردو
ترجمه) ګوتو له راغلے
وو څۀ ګوډ ړوند
مې کتلو خو چې
په اخري پاڼه
مې (مشکل الفاظ
کے معني) ته نظر
شو نو څو توري
او د هغو معاني ته
هک بک پاتې شوم_
په يوه سپين
کاغذ هغه څو
توري مې ځان
سره سوګه (خوندي)
کړه او بيا وروستو
مې د خپل عقل
پوهه او معلومات
مطابق لوېشت پرې
کېښوده نۀ يم
خبر چې زما دغه
زيار به کوم ځائے
ونيسي دا به
نورو دپاره زما
د زړۀ او نيت
په حواله د لارښودنې
باعث شي او کۀ
ماته به لګته
پاسه لوېشت شي
نو فلحال عرض دا
لرم چې دغه ده
هغه مضمون منتخبات
خوشحال (اردو ترجمه
) سر خط لاندې تاته
استوم خپله ئې
وګوره او کۀ څۀ
په نانګۀ (موزون
مناسب ښه کار
امد) درته ښکاري نو
اول خو ئې شېر
شاه ترخوي ورور
ته حواله کړه چې
ښکلا کښې ئې
چاپ کړي کۀ بيا هغه
نه وي نو وحدت
او يا هېواد
ته ئې وسپاره
خو يو عرض
به دا هم وکړم
چې چاپ په صورت
کښې به ريکارډ
درسره خپل سوګه
کوې ځکه چې دلته
ټک (ټانک) کښې دغه
نۀ ملاوېږي او
د ورېځې، سپوږمۍ غوندې
کله وي او کله
نۀ وي_او
په اخر کښې هغه
د تبليغانو د اصطلاح
مطابق پېښور ته
د راتلو اراده
مې کړې او نيت
تړلے دے خو وعده
نۀ کوم چې دا
له وخت او بخت
سره تعلق لري_نور
ګړدو ملګرو ته سلامونه
وايم او تاسو
هم ورته وائې
چې منتظر وائي
چې
جانانه هېر
چې درنه نۀ شم
زۀ به
په دغه طمع يم
چې يار لرمه
ستاسو
ورور منتظر
ګرانه ډاکټر اسرار صاحب
السلام عليکم
تا راته
دغه پينځۀ شپږ ورځې
وړاندې ماسخوتن
په فون زما د
نوي کتاب (تاسو نه
څۀ پړده) په چاپ
مبارکي راکړې وه
_ نۀ پوهېږم تا سره
په فون د دغې
خبرو ردعمل وۀ يا
ستا په حواله زما
لاشعور کښې پراتۀ
د پخوانو محفلونو
محفوظ يادونه وو،
تۀ په خدائے يقين
وکړه چې هم په
دغه شپه ما په
خوب کښې شېر
علي باچا وليدو_
نور ګڼ خلق هم وو
څۀ حجره نما شان
ځائے وۀ باچا
اوچت په کټ کښې
پرلت وهلے وۀ
_ښکلے صفا مخ ښه
ستره جامې ئې اغوستې
وې غالباً قميص
ئې د بندې غاړې
وۀ_ زۀ ورته پښو
ته ناست وم او
هغه راسره ډېرې
په مينه مينه
خبرې کولې کۀ
تا ته ياد وي نو
د هغۀ د خبرو يو مخصوص
سټائيل وۀ چې خبره
به ئې وکړه نو
بيا به ئې د
مخاطب د جواب په
طمع په خندنۍ
څهره هغه ته
وکتل په خوب
کښې ئې هم ما
سره هم دغه شان
خبرې کولې ما
ته اوس د خبرو موضوع
ياده نۀ ده خو
يقين وکړه زۀ د
باچا سره په خوب
کښې په دغه ملاقات
ډېر زيات خوشحاله
شوم د هغه سره
ټول پخواني محفلونه
مې راياد شو
او بيا ټوله
ورځ لکه چې
په ذهن کښې مې
پانوسونه روښانه
وو_ څۀ د دروند خوئي
عالمان خلق وو
د بنده به ورسره
په خبرو د ذهن جرندې
پرانستې شوې تا
ته به ئې خپل
نکته نظر په
دليل سره در
رسولو او ستا خبره به
ئې په ډېر پرانستي
ذهن اورېده د بحث
نتيجه به د صحت
مندې مکالمې نه
پس داسې راوته چې
تا به د هغه خبره
ومنله او يا به بيا
هغۀ تا سره اتفاق
وکړو _ تۀ اوس ډمامې
وهه کنه نۀ ستا
څوک مني او نۀ
اوري خپله هره
خبره به درباندې
تپي کۀ بحث دې
ورسره وکړو نو خدائے
شته په ولاړه
درنه جامې وباسي_
دا ما پخوا هم وئيلي
دي او بيا بيا ئې
وايم چې د
شېر علي باچا غوندې
زيرک او پوهه خلق
به بيا پېدا
نۀ شي دغه نسل
اوس د سېلمې خاورو
لاندې شوے دے نو
پکار ده چې مونږ دغه
خلق چرته هېر
نۀ کړو_ د يادونې لار
ئې دا ده چې د
هغوي ليکونه عام
شي د هغوي سره د
ناستې پاستې يادونه
تازه شي او د
هغوي د نظرياتو نه
رڼا واخستې شي_ الله
تعالي دې شېر علي باچا
له سره د ټولو
تلليو ملګرو په
خپلو بهترينو جنتونو
کښې ځائے ورکړي
آمين . والسلام
مخلص ډاکټر
محمد همايون هما
خوږو مشرانو ! ډاکټر اسرار
صېب او حضرت زبېرزبېر
صېب
سلامونه
مينه دعاګانې : د
پاڅون د ستمبر اکتوبر
ګڼه راغله ډېره
ښکلې او خوندوره
ده د زړۀ د خوږېدو
انځورونه پکښې خپارۀ
دي ما د اروښاد
سعيد ګوهر صېب انځور
په اول وار وليد
ډېر خوشحاله شوم
په تېره بيا
د ارواښاد د باچا
جي (شېر علي باچا) د (ملي پاڅون
) او د اکبر هوتي د تاليف
کړې کتاب (مور) سر پاڼې
پرې چاپ دي چې
زما غوندې ادبي
تنده غري ته
پرې تش په ليدو
پوره تسکين رسي
_د لوئے الله پاک
په لوئے دربار
کښې جولۍ نيسم
چې د درست افغان
پښتون (پاڅون) دې
تل تر تله ژوندۍ
وي او الله پاک
دې د دې کار کوؤنکو
له لوئے او اوږد
ژوند ورکړي په
ياده شوې ګڼه
کښې د مولانا روم
اخلاق او عادتونه
په چاپ درته
مننه ويم درناوې
درته لرم او
دا دے بل مضمون
درلېږم هيله مند
يم چې د چاپ لونګۍ
به ور په سر کړئ
د نېمګړتيا بخښانه
راته کوئ
مننه په
مينه ستاسو
کشر اتل
افغان سوات
November-December 2010
