ښاغلي  شاعر هغه  د تبرک  دپاره  په   فلېپ  چاپ  کړي  دي  خټک صېب   ليکي   ( زمونږ   د  عزيزولۍ  او ملګرتيا  ډېر ننګيالے  او  پت  من  پښتون  زلمے  او په  پښتو  ژبه  خاوره   او مرام  کلک  مئين  شاعر  دے  خپله  د مينې  شوق  او جذبې  شعر   وائي  او  نور د ژبې  ادب  او قوم  خدمت  ته   پسخوي کوشش  کوي  چې  چرته  د پښتو  ژبې  او  ادب   شمعه  بله  شي  او  دې  لکه   د پتنګ  ځان   ور ورسوي   ښۀ   ملي  او  د عوامو  د ذهن  شاعر دے  د محنت  ژوند  ئې  د  ادب  رڼا   ده،  صحت  او  برکت   دې   ئې   زيات   وي   چې   ډېر  خدمت   وکړي. )

په  کتاب کښې   د نظمونو  برخه  زياته   ده  د غزل  په  مقابله  کښې  ئې  په  نظمونو کښې  زور خلوص  جذبه  او  ولوله   ډېر  په  شدت  سره  محسوسيږي . اتش  صېب  يو حساس او دردېدلے   انسان   دے   چې   د خپل  چاپېر چل  حالات  واقعات   ويني،  ګوري  نو  هغې   ته  د  زړۀ  په   وينو  د شعر  رنګ   ورکوي،  انسان   او خصوصاً د پښتون  په  حال غمژن   دے  نو  ولې  به  ئې   شاعري  ( د لمبو په  لار)  نۀ   وي   د  خوشالۍ  خبره  دا ده  چې  په  دې  لمبو  لمبو  حالاتو کښې  هم  تر  اوسه   مايوسه   شوے  نۀ  دے   مستقبل  ورته  روښانه  ښکاري  د ميني،  اخلاص، ورورلۍ، قام پرستۍ، ننګ،  پښتو، وطن دوستۍ  پېغام  خوروي